實測｜極速拯救高敏缺水肌！真實揭秘點樣由極乾肌變成韓式水光肌
- danitsang4
- 5月22日
- 讀畢需時 3 分鐘
作為皮膚高敏感人士，唔單止換季會敏感，應該係話風吹草動塊面都會敏感唔舒服！平日塊面經常泛紅，加上好多微絲血管，長期望落都處於過敏狀態，皮膚勁唔穩定！加上成個額頭都係暗瘡暗粒同紅印，已經完全上唔到妝！！！即使係皮膚好少少個陣化妝，個妝唔夠3個鐘就會甩皮脫妝，搞到平時就算化妝出街都好冇自信，呢個皮膚狀態真係困擾左我好耐！而我亦都試過好多方法，但都搞唔掂。最後終於被我揾到最直接、最快速，而且係真心見到成效嘅方法，希望分享比大家，等皮膚同我一樣長期都乾燥敏感嘅你，行少啲彎路！
為咗改善乾燥肌，我究竟做過咩嘗試？
1. 飮多啲水
其實飲水係必要嘅，可以幫助排走身體嘅廢物、促進新陳代謝等等；但其實皮膚乾燥同脫水係同肌膚表層有關，我地平日體內消耗嘅水分實際上好難到達皮膚外層， 所以飲水對我嚟講，其實係作用不大！
2. 深層保濕型護膚品
好似我呢啲缺水型肌膚，每次落妝都覺得自己傷害緊啲皮膚，令敏感更加嚴重，最後連妝都唔敢化。平日買護膚品會選擇純天然、最温和同低刺激性嘅產品。但即使我幾勤力，只要一捱夜就會功虧一簣，化妝都依然卡粉。後來先知原來一般保養品，只會停留係表皮嘅角質層，係無辦法滲透去皮膚真皮層，所以好多時根本冇被完全吸收！！
3. 家用儀器+做Facial
做完一輪網上資料搜集，我即刻買咗家用導入儀，但係我嘅皮膚真係太脆弱，碌過有暗瘡嘅位都會覺得好痛，仲要每次用完都勁紅，搞到我好驚！
於是去咗做Facial，治療師幫我做完AI皮膚分析之後，建議我做細胞肌。做完嗰刻真係即時降紅同舒緩咗，Feel到皮膚好清爽好舒服仲穩定返！但因為工作忙碌，成日要捱夜又懶做護理，所以決定去打水光針，希望可以一勞永逸！
打完水光針7日後
皮膚狀態明顯穩定咗，膚色冇咁暗沉同均勻左，的確係冇之前咁易紅、有緩和嘅跡象，但都係會有小小紅；大粒暗瘡少左、整體皮膚外觀改善左70%左右，最大變化係覺得冇咁易敏感。
講真呢個效果我已經好滿意，因為知道自己皮膚底子差。點知打完過咗一段時間feel到皮膚係越嚟越好，畢竟打水光係將肌膚所需嘅保濕成分直接注射落真皮層，更加深層滋養缺水嘅細胞、喺底層更新細胞代謝，改善皮膚質素。所以隔左三個月我又忍唔住打第二次！為左效果好啲，我揀膽粗粗揀左手打，感覺的確大過用機打，不過夜晚返到屋企已經退咗七成紅喇～
第二次打水光針嘅效果
好驚喜！直頭係白左兩度！塊面好明顯水潤咗有返彈性！！！而家就算素顏都有種天生嘅水潤光澤感，皮膚底子好咗，都冇再起敏感都甩皮喇！
皮膚靚咗個人真係會有返自信，影相都唔洗再依賴後期執相！一開始實在用太多時間同金錢，真係好崩潰同無助！好彩最後都衝破心理障礙試一次打水光針，呢一切都好值得！
不過大家記住要揀有信譽嘅醫美中心，希望呢篇文可以幫到同我一樣皮膚又敏感又嚴重缺水嘅脆弱星人改善肌膚問題啦！
真心大讚要推比大家！！
（ 可以直接搵佢哋約時間！）
